قصة الراجل اللي واقف ورا عمر سليمان " نجل "الرجل الواقف وراء عمر سليمان": بابا قائد قوات خاصة "


نجل "الرجل الواقف وراء عمر سليمان": بابا قائد قوات خاصة


نقل الموقع الإلكترونى لقناة العربية تقريرا مفصلا عن شاغل المصرين الآن على موقعى "فيسبوك" و"تويتر"، حيث أكد التقرير أنه بعد مرور 4 أيام على ظهوره التليفزيونى تحول "الراجل اللى ورا عمر سليمان" إلى أحد أشهر الشخصيات المصرية ، حيث تزايدت التكهنات حول شخصية الرجل الذى ظهر، خلف نائب الرئيس المصرى السابق عمر سليمان، يوم إعلان تنحى الرئيس مبارك عن الرئاسة، يوم الجمعة 11 فبراير الجارى.

فإلى جانب الرسائل والصور التى يتم تبادلها على "الفيس بوك"، تم إنشاء صفحة خاصة باسم "رابطة محبى الراجل اللى ورا عمر سليمان"، ويحاول فيها الزائرون توقع هوية الرجل، وعمله.

وظهر على "فيس بوك شاب" من يقول إنه نجل "الراجل اللى ورا عمر سليمان"، ما دفعه لإنشاء صفحة مضادة، حملة اسم "أعتذر للمقدم أركان حرب حسين شريف (الراجل الى ورا عمر سليمان) وكل أسرته". ويقول فيها إن الرجل هو "مقدم أركان حرب حسين شريف قائد المجموعة 64 قتال من القوات الخاصة".

وبالفعل بادر الكثيرون إلى بث اعتذاراتهم على الصفحة، مكررين أن الدافع اقتصر على التسلية لا أكثر. أما اللافت فكان التزايد السريع لعدد معجبى هذه الصفحة، لتقارب الـ22 ألف معجب
ومن المعتذرين المدّون وائل غنيم الذى أكد أن التعليقات كانت مجرد "نكات لا يقصد منها الإهانة الشخصية له أو عائلته".
تباينت تعليقات زوار الفيس بوك حول هوية هذا الرجل، وكان أبرزها ما يلي:

**الاسم: الراجل اللي واقف ورا عمر سليمان


الوظيفة: الوقوف ورا عمر سليمان

محل الاقامة: ورا عمر سليمان!!!

**وقال شباب الفيس بوك، إن أشهر ثلاث حاجات في مصر دلوقتي: 1- ميدان التحرير 2- وائل غنيم 3- الراجل اللى واقف ورا عمر سليمان

**وانتشرت أيضا على مواقع التواصل الاجتماعي دعوة للاعتصام لتبديل النسر اللى على العلم بالراجل اللى واقف ورا عمر سليمان.

** ورفع العديد من شباب الفيس بوك شعارا: لو لم أكن مصريا لوددت أن أكون الراجل اللى واقف ورا عمر سليمان

**وفي مفاجأة من العيار الثقيل: الراجل اللى ورا عمر سليمان يعترف بأنه هو فعلا الراجل اللى ورا عمر سليمان

**الجزيرة: مبارك سافر إلى دبي، العربية: مبارك سافر إلى لندن، التليفزيون المصري: مبارك في شرم الشيخ، والحقيقة هي أن مبارك في بيت الراجل اللى ورا عمر سليمان.

**ولما عمر سليمان لقى إن الراجل اللى واقف وراه بقى أشهر منه، قرر يغير اسمه من عمر سليمان إلى الراجل اللى واقف قدام الراجل اللى ورا عمر سليمان.

**عاجل وخطير: أوباما يعرب عن قلقه و يصرح بأن الأوضاع في مصر لن تتحسن إلا بعد معرفة مين الراجل اللي ورا عمر سليمان.

** وهدد العديد من الشباب بأن تكون الجمعة القادمة اعتصاما ليتم تعين الراجل اللي واقف ورا عمر سليمان وزيرًا للأوقاف.

** وفي المقابل دعت حركة شباب 25 يناير إلى تنظيم مظاهرة مليونية يوم الجمعة القادمة 18 فبراير، تحت اسم جمعه "المعرفة" وذلك لمعرفة مين الراجل اللى كان واقف ورا عمر سليمان.
لولا الراجل اللي ورا عمر سليمان .. كان زمان عمر سليمان واقف لواحده يا عيني

يعني ايه كوكا زيرو : يعني تكون ببتفرج علي فيلم اجنبي وتلاقي فيه الراجل اللي ورا عمر سليمان

من اكبر مكاسب الثورة تنحى مبارك و محاكمه الفاسدين و ...الراجل اللى ورا عمر سليمان

مين هو الراجل اللي واقف ورا عمر سليمان؟؟

الاسم : الراجل اللى واقف ورا عمر سليمان
الوظيفة : الوقوف ورا عمر سليمان
محل الاقامة : ورا عمر سليمان
.........فصيله الدم واقف
تاريخ الميلاد يوم الوقفه
...رقم التليفون واقف مش شغال

عاجل التليفزيون المصري
اعلنت المخابرات الامريكيه و الاسرائيليه وتنظيم القاعده عن عدم مسؤليتها عن الراجل الورا عمر سليمان

بيان عاجل صرح مصدر مسئول ان الراجل اللي ورا عمر سليمان هو صاحب الميك وكان مستنيه يخلص علشان يلم العده ويمشي

تعلن نقابة المهندسين عن تنظيم رحلات للسادة الاعضاء لزيارة الراجل اللى ورا عمر سليمان

شعبان عبد الرحيم : احب الكلام المفيد ... والدماغ المليان ... وكمان الراجل اللى ... ورا عمر سليمان ... ورا عمر سليمان ... هيييييييييه ....!!!

يا رجال العالم اتحدوا وراء الراجل اللى ورا عمر سليمان

صائب عريقات يستقيل من منصبه لأنه ماعندوش واحد زي الراجل اللى ورا عمر سليمان

مين ف الدنيا دي مين محلمش ف يوم يكون الراجل اللي ورا عمر سليمان

نطالب بتسمية الجمعه القادمة
جمعة الراجل اللي ورا عمر سليمان

من النهاردة مفيش حكومه انا الراجل اللى ورا عمر سليمان

المدرس: نفسك تطلع ايه فى المستقبل
التلميذ: زى الراجل اللى واقف ورا عمر سليمان

اكتشاف مقبرة من الاسرة الثالثة عليها صورة الرجل المصرى القديم اللى ورا عمر سليمان

لو لم اكن مصريا لودت ان اكون الراجل اللى ورا عمر سليمان

اكيد المدير الفنى للمنتخب القومى ان التشكيل الجديد للمنتخب يضم الراجل اللى ورا عمر سليمان

وعاوزنا نرجع زى زمااااان؟؟....قول للراجل اللى ورا عمر سليمان




اليكم بعض الصور

ههههههههههههههه

تم الرد لرفع الموضوع