طرق مبتكرة كيف تصطادين عريسا من كتاب الدكتور عبد الرءوف السباعي :


1. لوجالك عريس متقوليش لحد من صحباتك. الحاجات دي بتتنظر وانتي عارفة البنات عينها وحشة.
2. لو واحدة من صحباتك جابتلك عريس اوعي تشوفيه أو توافقي عليه لو كان عدل كانت خدته هي.
3. هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها.
4. متفضحيش الدنيا أما يجيلك عريس.. اصبري شوية لما تمسكيه كويس هتصيحي لنفسك ع الفاضي وتتحسب عليكي خطوبة.
5. في أول مقابلة لو لاقيتيه بيبص ف ساعته.. قاعد مش علي بعضه.. وشه اتخطف وبان عليه خيبة الأمل اعرفي إنك معجبتيهوش.. اسبقي انتي وقولي إنك رافضاه. متخليش واحد زي ده يقول انه مش عاوزك.. متزعليش عليه ولا علي غيره.. الرجالة زي الأتوبيسات واحد عدى التاني جاي وراه.. كمان الرجال زي الدبان هتهشي واحدة هييجي عشرة غيره.
6. عجبتك؟ طب خدي دي: الرجالة زي المطبات كل ما تفتكري انك خلصتي منها هتقعي في مطب جديد مش عاملة حسابه.
7. لو معجبتيش أكتر من واحد اوعي تحسي بالإحباط بكره هييجي اللي أحسن منهم. إلا ما كان واحد فيهم عدل.
8. مهما كنتي وحشة متقلقيش.. فيه اللي أوحش منك واتجوزوا.

ههههههههههههه جميل اوووى على فكرة كدة عمرها ما هتتجوز

يا بنات اى حاجة تيجى حاولى تنجزى معاه دا الجواز دلوقتى عامل زى المرض المعدى زى انفنوانزا الخنازير والطيور خاد الوقت بتاعوا واتمنع اللى يجيلها عريس تدفع ليه فلوس وتتجوزة بسرعة دى نصيحة ههههههههههه

انت كدة مش هتخلى ولا البنات تتجوز ولا الولاد يتجوزوا هههههههههههههههه