>>>>شرح مفصل للعبة من البداية للاحتراف<<<<

الانتساب : 27/02/2011

قمت بتخصيص موضوع كامل للمبتدئين في لعبة Silkroad online
و ذلك لكثرة الاسئلة حول اللعبة

قبل ان نبدأ ماذا تعني كلمة RPG ؟

-هي اختصار لـ Role Playing Game ... و هي العاب شيقة جدا و ذلك لأن نظامها يعتمد تقوية الشخصية او الاسلحة اوالدفاع اوالسحر على سبيل المثال. فمع مرور الوقت ترتبط بالشخصية اكثر و تشعر انك تربي حيوانا اليفا ... تخاف عليه و تطعمه عند الحاجة. و مع مرور الوقت تصبح الشخصية التي تلعب بها اقوى و اقوى من ذي قبل.

و لعبة Silkroad تصنف من العاب الـ RPG
حتى تستطيع انت تلعب يجب ان يكون عندك جهاز ذي مواصفات قادرة على تشغيل اللعبة
و ايضا خط انترنت حتى تستطيع اللعب Online

و انتبه ان اللعبة تلعب Online فقط

مميزات لعبة سيلك روود

1- عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بمئات الاف .

2- الجرافيك الاكثر من رائع اللى فى رايي يوازى ان لم يكن يتفوق على world of warcraft .

3- اسلوب القتال فى اللعبة ممتاز جدا و افضل من world of warcraft فى رايي .

4- كثرة عدد الشخصيات و الوظائف اللى ممكن تقوم بيها فى اللعبة .

5- اللعبة مبتقيدكش من البداية فى اختيار شخصية معينة و الالتزام بيها مثل الالعاب الاونلاين الاخري , بل على العكس .... طريقتك فى اللعب هو اللى بيدى لشخصيتك طابع مميز منفرد ليها ... و كل واحد يقدر يبنى شخصيته بشكل مختلف مع تطوره فى المراحل .

7- اسلوب التجارة فى اللعبة بيخليك مستمتع بكل Item او Weapon بتلاقيه ... لان كل حاجة ليها سعر فى اللعبة ... و الميزة فى اللعبة دى انك مش بتفضل تدلل على البضائع بتاعتك و تفضل مستنى حد يجى يشترى منك زى معظم الالعاب التانية .... لا انت بتعرض حاجاتك فى حاجة عاملة زى المحل بالاسعار اللى انت عايزها ... و كل الاعبين بيدخلوا محلك و يتفرجوا على حاجاتك و يشتروا اللى عايزينه و الفلوس تتحول اوتوماتيك لرصيدك .

8- اللعبة عمرها حديث ولكنها محققة شهرة عالمية واسعة جدا
9- اللعبة اونلاين 24 ساعة 7 ايام فى الاسبوع .

10- المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير .

11- اللعبة فى تطور مستمر و منتظر اضافة
New Items,New LeveLs ,New Events ,New Skills
كيف تلعب اللعبة ؟

-المرحلة الأولى

1 - تحميل اللعبة :
- من الموقع الرسمى للعبة

HERE

2- التسجيل فى الموقع الرسمى

- عشان تلعب لازم التسجيل فى الموقع الرسمى للعبة

HERE

3- الدخوول للعبة :
افتح اللعبة و هاتظهرلك الشاشة البداية

و بعدين تدخل و هاتكتب الباسوورد و اليوزر و تختار السيرفر

4 - كيفية عمل شخصية

بعد الدخوول هاتضغط على Create الموجود تحت على اليمين و هاتظهرلك الشاشة اللي بتصنع منها شخصيتك

اختيارات الطول و الشكل و الوزن كل دى حاجات ترجعلك و الاختلاف فيها مش هايأثر فى حاجة المهمم هو اختيار نوع السلاح و اختيار نوع الملابس

5- مصطلحات مهمة :
char. : اختصار لكلمة character و هى الشخصية اللى هاتلعب بيها ..
NPC : أشخاص موجودة فى اللعبة و مش بتلعب .. بتديلك المهمات اللى تنفذها و تاخد جائزة على تنفيذها .
Mob : اللى هيا Monsters و دى الوحوش اللى هاتقابلها أثناء اللعب .
SP : skill points و هى النقط اللى بتتعللم بيها القوى السحرية .
EXP : experience points و دى النقط اللى لما بتاخدها المستوى بتاعك بيعلى .
level : اللى هى level و ده المستوى بتاعك فى اللعبة ..
int : اختصار intelligence و ده عبارة عن القوة بتاعتك فى استخدام الفوى السحرية . ( ممكن نقول فى بعض الاحيان MP )
str : strenth و ده عبارة عن القوى الجسدية بتاعتك . ( ممكن نقول فى بعض الاحيان HP )
physical. : اختصار بيعبر عن القوة الجسدية .
magic. : اختصار بيعبر عن القوة السحرية .
لما نقول ( magic attack ) يبقى يعنى الضربة السحرية و لما نقول ( phyisical attack ) يبقى يعنى الضربة الى بتعتمد فى قوتها على سلاحك فقط بدون سحر
لما نقول ( magic defence ) يبقى قوتك فى صد الضربه السحرية و أظن طبعا عرفت معنى ( physical defence )

- ايه اللى هاتشوفه لما تدخل اللعبة ؟
هاقول " بعض " اللى هاتشوفه مش كل حاجة .. هاقول المهم فقط كبداية و تدريجيا هانزود المعلومات

1- status bar : دى فيها المعلومات الخاصة بيك lvl و physical power ( الشريط الأحمر ) و magic power ( الشريط الازرق ).. شايف الدواير اللى جنب الصورة ؟ اللى فيهم 3 أحمر و الباقى فاضى ؟ دول لما بتحارب mobs ( وحوش يعنى ) بيزيدوا بالتدريج و لما توصل للدايرة الأخيرة تبقى لونها أحمر تدوس عليها هاتخش فى حاجة اسمها Deamon Mode بتبقى أسرع و ضربتك أقوى لفترة معينة .ZERK
2- chat : ده الشات الخاص باللعبة اللى بنكللم بعض فيه و خد بالك ان مافيش كتابة عربى.
3- Sp bar : هاقوللك عليه كمان شوية.
4- Shortcut bar : ده بقى بنحط فيه أى حاجة بنستخدمها كتير بحيث ان نستخدمها بالضغط على الرقم اللى مكتوب فى كل خانة.
5- Mini Map : طبعا واضح انها خريطة . ( السهم البرتقالى ) : ده انت .. ( الدوائر الزرقاء ) : دول ال NPC .. ( الدوائر الخضراء ) : دول اللاعبين التانيين.
** انت لما تموت وحش بيحصل 3 حاجات :
- تاخد SP points و طبعا زى ماقولنا ان دى بتستخدمها فى تعللم ال skills .
- تاخد EXP points و دى اللى بتعللى ال lvl بتاعك .
- بيقع من الوحش دهب و حاجات تانية كتير هاتعرفها لما تشوفها.

6- طب بعد كده هانعمل ايه فى اللعبة ؟ ( أنظمة اللعب )
* Quests و دى المهمات اللى هاتنفذها فى اللعبة و على أساسها هتاخد Rewards ...
مش هنتعرض لغير النظام ده دلوقتى لأنه هو المهم و هو اللى هاتكمل عليه لغاية lvl 20 .

7-Quest Log
اضغط على ( Q ) فى الكيبورد هايظهرلك و ده بيبقى مكتوب فيه المهمة اللى مطلوب تنفذها.

[SIZE="6"]9- ال Inventory ده بقى المكان المتاح ليك عشان تشيل فيه الدهب و الحاجات اللى بتاخدها من ال mobs اللى بتموتها اضغط على ( i ) فى الكيبورد و شوف الصورة دى

Character Windowكل لما تعلى lvl بتاخد نقط عشان تزود بيها مستويات ال Str و ال Int و ده بيبقى عن طريق ال Chra. window

طب هانزود النقط على أساس ايه ؟ دى بقى أهم حاجة لازم تحددها من بداية اللعب و لازم تركز كويس انت عايز ايه لأن مش هاتعرف ترجع في كلامك بعد كده فى الموضوع ده .. الموضوع ده بقى اسمه ال Build

11- ال Build
ال build يعنى ازاى هاتبنى الشخصية بتاعتك يعنى على أى أساس هاتضيف النقط اللى هاتاخدها كل lvl و هنا احنا عندنا كذا نوع من ال builds :

اول build هى ال pure str يعنى تخلى كل النقط بتاعتك str و ميزة الطريقة دى انها بتخلى ال hp بتاعك عالى جدا و ال defence بتاعك عالى جدا و ال phy dmg عالى جدا بس ال mag dmg قليل جدا
و قوة الشخصية دى بتظهر فى ال pvp او player vs player .

تانى build معانا هو ال pure int يعنى تخلى كل نقطك int و ميزة الطريقة دى ان ال mp بتاعك بيكون عالى جدا و السحر بتاعك قوى جدا بس ال hp بتاعك قليل جدا و ال defence قليل جدا و عيب الbuild ده انك ممكن تموت بسرعة لكن ميزه الرهيبه انك بتعمل dmg عالى قوى

اخر build و ده اللى مشهور اوى و هو ال hybrid و ده فى منه تلات انواع 1:2 و 2:1 و 1:1
و ده فى ناس بتسميه balanced او mixed و زى واضح من الاسم فده بيساوى بين ال str و ال int و ميزة الطريقة دى انها بتخلى ال lvl بتاعك يعلى بسرعة و قوية فى ال pvm او player vs mobs لكن ضعيفة فى ال pvp و ال guild wars .

** السؤال الشهير : مين أفضل ؟؟ و الاجابة الصح : ما أعرفش دى حاجة ترجعلك كل build و له مميزات و عيوب و شوف انت اللى يناسبك بس لازم توفق بين ال build و ال clothes بتاعتك ازاى ؟

-- واحد يقوللك أنا هابقى pure str. و هالبس Armor .. طب ليه تلبس Armor ؟ ما انت ؟أصلا هايبقى ال str. بتاعك عالى يبقى ليه تلبس ال Armor و هو بطىء جدا فى الحركة .. يا اما تلبس protector أو gremant و الأخير زى ما قولنا سريع جدا فى الحركة .

-- فى واحد كده تحس انه شيك قوى و لابس كلله germant و عمال شغال skills و هو pure itr. .. اسمحولى أقول ده أكبر غلط .. انت لما تبقى pure itr. بيبقى ال phy. deffence بتاعك قليل جدا تقوم كمان تنيلها و تلبس ال germant اللى هو كمان قليل phy. deffence ؟ الأفضل فى ال pure itr. انك تلبس Armor عشان يساعدك شوية فى الدفاع.

نيجى بقى لحاجة تانية مهمة و هى نوع اللبس بتاعك ....
فيه تلات انواع ملابس .....

اول نوع ال Armor و ده ال phy defence بتاعه عالى بس ال mag defence قليل
و كمان بيزود قدرتك الهجومية فى ال phy و ده ينصح باستخدامه اللى هيحط النقط بتاعته فى ال str اكتر او لو انت هتحارب لاعب بيستخد م ال str فهتحتاجه برضه و ملحوظة مهمة ال armor ابطء لبس فى الحركة

تانى نوع هو ال garmant و ده ال mag defence بتاعه عالى بس ال phy def بتاعه قليل و بيزد قدرتك ال هجومية فى ال mag و ده بينصح باستخدامه للى هيتخخصوا فى السحر او لما تلاعب واحد متخصص سحر ... و ده اسرع لبس فى اللعبة.

اخر نوع بقى هو ال protector و ده الوسط بين الاتنين و اكيد بينصح بيه للناس اللى هتبقى Hybrid او Mix .
ارجو اني اكون ساعدتكم انا عامل الموضوع للا فادة ده عشان عين صحبي tooma اتمني الكل يستفاد

ملحوظة

انا اسف اني معملتش الصور لاكن بأزن الله سوف اعملها قريبآ

mystar2day101010